د معمار پرس د خبر له مخې؛ د طالبانو د ترانسپورت او هوايي چلند وزارت نن چهارشنبه د جوزا په ۲۳مه اعلان وکړ چې د ایران هوايي شرکت کابل ته خپلې الوتنې پیل کړې دي. د دغه شرکت لومړۍ الوتنه نن د کابل په نړیوال هوايي ډګر کې وشوه. د طالبانو د ترانسپورت او هوايي چلند وزارت د اعلامیې له مخې اوس به د ایران هوايي شرکت په اونۍ کې یو ځل کابل ته الوتنې کوي. په همدې حال کې د ماهان، یزد ایر او کیش ایر په ګډون یو شمېر نورو ایراني هوايي شرکتونو افغانستان ته خپلې الوتنې بیا پیل کړې دي. همدا راز “کام ایر” او “اریانا” هوايي شرکتونه له افغانستان څخه ایران ته الوتنې کوي.