جرمني یوې محکمې د چاړه د برید په تړاو د یوه افغان وګړي د نیولو حکم صادر کړی دی. د معمار پرس د خبر له مخې: اسوشیټیډ پریس خبري آژانس خبر ورکړی دی چی د جرمني یوې محکمې پرون (شنبه، د جوزا ۱۲مه) د دغه هېواد په منهایم ښار کې د چاړه د برید په تړاو د یوه ۲۵ کلن سړي د نیولو امر صادر کړ. سرچینې وویل چې د جمعې په ورځ د منهایم په ښار کې د یوې “سیاسي اسلام” مخالفې ډلې لخوا په یوه غونډه کې د چاړه په برید کې شپږ تنه ټپیان شول. سرچينې زياته کړه، چې په ټپيانو کې يو پوليس هم شامل دى، چې د سختو ټپونو له امله روغتون ته لېږدول شوى دى. د جرمني پولیسو ویلي چې نوموړی له ۲۰۱۴ کال راهیسې په دغه هېواد کې اوسېږي.