د روسیې ولسمشر ولادیمیر پوتین وویل: د روسیې فډریشن د طالبانو د مسئلې په اړه د خپل هر شریک دریځ په پام کې نیسي، ترڅو خپل دریځ د خپلو شریکانو او نورو هیوادونو له نظر سره تنظیم کړي. ولسمشر ولاديمير پوتين دغه څرګندونې نن د جوزا په ٨مه، له ازبکستان څخه تر خپل سفر وروسته په يوه خبري غونډه کې وکړې. هغه زیاته کړه چې په افغانستان کې ستونزې شته او هرڅوک پرې خبر دي. خو په دې هېواد کې د طالبانو له اوسني «حکومت» سره د اړيکو ټينګولو ته اړتيا ده. پوتین وویل، سرپرست حکومت هغه څوک دی چې د هېواد او افغانستان پولې کنټرولوي او نن د افغانستان واکمنان دي.