د معمار پرس د خبر له مخې؛ د هغه هېواد په تیمریز ښار کې د ازبکستان د ریل پټلۍ د څانګې چارواکي وايي، د ازبکستان-حیرتان د اورګاډي د ټرانسپورټ تعرفې یې ۵۰ سلنه کمې کړې دي. د ترمز ریل پټلۍ مشر فرهاد رسنیو ته وویل: تر دې مخکې د افغان حکومت له خوا پر صادراتو ځینې تعرفې اخیستل کېدل. د بېلګې په توګه، هغه کارګو چې د دوستي پله له لارې داخلیدل، د ۴۰ ټنه واګون لپاره ۲۰۰ ډالره او د ۲۰ ټنه واګون په بدل کې ۱۰۰ ډالره اخیستل کېږي. هغه زياته کړه: “همدارنګه پخوا به په ګمرکونو کې د بېلابېلو خدمتونو پر بنسټ بېلابېلې پيسې ورکول کېدې، خو اوس د کال تر پايه تر پنځو سوو ډالرو پورې ټولې تاديات معاف شوي دي.”