د معمار پرس د خبر له مخې؛ دیپلوماتیکو سرچینو په رفح ښار د صهیونیسټ رژیم د حملو د موضوع په اړه د سه شنبې په ورځ (د می ۲۸مه) د تړلو دروازو تر شا د ملګرو ملتو د امنیت شورا د بیړنۍ غونډې د جوړولو اعلان وکړ. سرچینو خبر ورکړی چې الجزایر په رفح ښار کښې د صهیونیسټی دښمن له جنایت وروسته چې د لسګونو فلسطینی کډوالو د شهادت سبب شو د امنیت شورا د بیړنۍ غونډې غوښتنه وکړه. ایرنا خبری اژانس وایی دغزې تړانګې په جنوب کښې د رفح په ښار کښې د کډوالو په کیمپ د حملې له امله د ښځو او ماشومانو په شمول لږ تر لږه ۴۱ فلسطینیان شهیدان او په لسګونو نور ژوبل شول.