د چورلکې د غورځېدو د شهید آیت الله سید ابراهیم رئیسي او د هغه د ملګرو د جنازې مراسم د تهران پوهنتون مخې ته د خلکو په پراخ حضور سره پیل شول. د معمار پرس د خبر له مخې؛ د مراسمو په پیل کښې د ایران د اسلامی جمهوریت ستر رهبر حضرت ایت الله العظمی سید علی خامنه ای د تهران په پوهنتون کښې د ایران د شهید ولسمشر او د هغه د ملګرو د جنازې لمونځ وکړ. د ایران د اسلامي جمهوریت رهبر د جنازې له لمانځه وروسته د شهیدانو جسدونو سره وداع کړل. دغه راز د ایران د شهید ولسمشر او د هغه د ملګرو د جنازې د لمونځ له ادا کولو وروسته په تهران کښې د میلیونونو خلکو په شتون سره د جنازې مراسم ترسره کیږی. د یادولو وړ ده چې د اسلامی ایران د ولسمشر شهید آیت الله رئیسی جنازه به سبا پنجشنبه په مشهد کې د امام رضا په زیارت کې خاورو ته وسپارل شی.