د معمار پرس د خبر له مخې؛ د طالبانو د دفاع وزیر ملا یعقوب مجاهد د دې ډلې واليانو ته په یوه رسمي لیک کې ویلي چی هیڅ چارواکی حق نه لري چې د دې ډلې د «تصفیې کمیسیون» په چارو کې لاسوهنه وکړي. ملا یعقوب د طالبانو د تصفیې د کمیسیون مشر هم دی. دغې ډلې په نویو شرایطو سره د خپلو ځواکونو ترمنځ د تصفیې بهیر بیا پیل کړی دی. په یوه رسمي مکتوب کې، چې د شنبې په ورځ (د حمل ۱۱مه) د ملا یعقوب په لاسلیک خپور شوی، راغلي چې په ټولو ولایتونو کې د طالبانو د لیکو د تصفیې کمیسیون د بیاکتنې بورډ په خپلو کارونو کې خپلواک دی. د دې مکتوب په متن کې لیدل کېږي چې په هر ولایت کې د والي مرستیال د طالبانو د لیکو د تصفیې د کمېسیون دنده لري.