د معمار پرس د خبر له مخې؛ په یوه غږیز فایل کې چې رسنیو ته استول شوې، د جمعیت ګوند مشر عطا محمد نور د احمد مسعود شاوخوا کسان په پراخ فساد تورن کړي دي. عطا محمد نور ته منسوب یو غږیز فایل خپور شوی، چې د احمد مسعود شاوخوا کسان پراخ فساد یې په ډاګه کړی دی. د بلخ پخوانی والي وايي چې د احمد مسعود شاوخوا کسان په ورته وخت کې له مسکو او واشنګټن او فرانسوي یهودانو سره تړلي دي. په دې آډیو فایل کې عطا محمد نور د مسعود شاوخوا کسان تورنوي چې په اروپا کې له مېشتو افغانانو پیسې اخلي او قومي احساسات پاروي او بیا دغه پیسې د تفریح ​​لپاره په لارو کې لګوي.