دا خبره د امریکا د سولې انسټیټیوټ د شنبې په ورځ (د حوت ۲۶مه) اعلان کړه چی طالبان د بشري حقونو او په افغانستان کې د یوه ټول شموله حکومت د جوړولو په اړه د لویدیځ غوښتنو ته د تسلیمیدو لپاره لږ دلیل لري. د امریکا د سولې انسټیټیوټ په خپله X پاڼه کې لیکلي چې د چین د ملاتړ په ترلاسه کولو سره طالبان د لویدیځ غوښتنو ته د تسلیمیدو لپاره هیڅ دلیل نه ویني. د دغه بنسټ په وینا طالبانو د چین په ګډون د سیمه ییزو قدرتونو د ملاتړ نوې سرچینې ترلاسه کړې دي. خو طالب چارواکو تل هڅه کړې چې خپلې پرېکړې د “اسلامي او افغاني” په نوم تعبیر کړي او د نړیوالې ټولنې غوښتنې د دوی په چارو کې د لاسوهنې په توګه تعبیر کړي.