د معمار پرس د خبر له مخې؛ د دوشنبې په ورځ (د دلو ۱۶مه) سفارت په خپله ایکس پاڼه کې لیکلي چې په چین کې مېشت افغانان کولای شي له شرایطو سره سم نوي پاسپورټونه ترلاسه کړي. په بیجینګ کې د طالبانو سفارت په دوام کې ویلي چې په تېرو دوو کلونو کې دغه سفارت خپلو اتباعو ته د ښه قونسلګرۍ د خدمتونو د وړاندې کولو لپاره خپلې ټولې هڅې کړې دي چی د هڅو په پایله کې په چین کې میشتو اتباعو ته د پاسپورټونو د ویش بهیر پیل شو. که څه هم چین د نورو هېوادونو په څېر طالبان په رسمیت نه پېژني، خو په بیجینګ کې یې د افغانستان سفارت دغې ډلې ته سپارلی دی.