د پاکستان د لومړي وزیر سرپرست انوار الحق کاکړ یو ځل بیا له دغه هیواد څخه د اسنادو پرته د مهاجرینو د ویستلو د پریکړې پر سموالي ټینګار وکړ او ویې ویل چې راتلونکی حکومت باید دغه بهیر ته دوام ورکړي.
د معمار پرس د خبر له مخې؛ د پاکستان موقت لومړي وزیر ویلي دي چې د افغانستان په ګډون د ګاونډیو هیوادونو اتباع باید د پاکستان د مهاجرت قوانین مراعات کړي. ښاغلي کاکړ زیاته کړه هغه افغان کډوال چې پاکستان ته داخلیږي باید ویزه ولري. کاکړ دغه څرګندونې د پاکستان له يوه خصوصي ټلوېزيون سره په مرکه کې کړې، چې د جمعې په ورځ (د دلو شپږمه) خپره شوه.