د معمار پرس د خبر له مخې؛ د افغانستان لپاره د روسیې استازي ضمیر کابلوف ویلي، چې د افغانستان په اړه د چین، ایران او پاکستان د مشرانو غونډه به د جنورۍ په پای کې د “ټول شموله حکومت پر جوړولو” تمرکز ولري. د روسیې د تاس خبري اژانس د راپور له مخې، ښاغلي کابلوف ویلي چې د ایران او پاکستان ترمنځ د بریدونو تبادله به د دغې غونډې پر ترسره کېدو اغېز ونه کړي. د افغانستان لپاره د روسیې استازي څرګنده نه کړه چې دا غونډه به په کوم ښار کې جوړه شي.