د ناروې او ډنمارک سفیرانو د کډوالو لپاره د دغه سازمان د څو ودانیزو پروژو د پرانستلو په موخه د ناروې د کډوالو له شورا (NRC) سره یوځای مشهد (ایران) ته سفر وکړ. دغه پلاوي د ایران د خراسان رضوی د والي له مرستیال سره په کتنه کې د افغان مهاجرینو په برخه کې د ایران له خدمتونو څخه د خوښۍ په څرګندولو سره، په ایران کې د مهاجرینو د وضعیت د ښه والي لپاره د نړیوالو مرستو پر زیاتوالي ټینګار وکړ. د ناروې او ډنمارک سفیرانو هم د ناروې د پناه غوښتنې د چارو ادارې ته د دغو دوو دولتونو مرستو ته اشاره وکړه او هیله یې څرګنده کړه چې د دوی په مرسته به وکولای شي د افغان مهاجرینو لپاره مناسب شرایط رامنځته کړي.