د معمار پرس د خبر له مخې؛ په کابل کې د ایران سفیر او ځانګړي استازي حسن کاظمي قمي د سیمه ییزو مسایلو په ځانګړي ډول د افغانستان او دوه اړخیزو همکاریو په اړه د خبرو لپاره اسلام اباد ته سفر کړی. کاظمي قمي دا سفر د افغانستان په چارو کې د پاکستان د لومړي وزیر د ځانګړي استازي اصف علي خان دراني په رسمي بلنه ترسره شوی دی. د ایران د ولسمشر ځانګړی استازی به له پاکستاني سیال او د بهرنیو چارو له وزیر سره د رسمي خبرو ترڅنګ له یو شمېر نورو پاکستاني چارواکو سره هم وګوري. تر دې غونډې مخکې کاظمي قمي د طالبانو د بهرنیو چارو له وزیر امیرخان متقي سره په کتنه کې د افغانستان لپاره د سیمه ییزې تماس ډلې د جوړولو وړاندیز کړی و، چې هرکلی یې هم وشو.