د ملي مصالحې شورا پخوانی رییس عبدالله عبدالله او د افغانستان پخواني ولسمشر حامد کرزي د ایران په کرمان ښار کې خونړۍ تروریستي چاودنې په کلکو ټکو غندلې دي. د ملي مصالحې شورا پخواني مشر عبدالله عبدالله د ایران په کرمان ښار کې خونړۍ چاودنې غندلې دي. عبدالله په “ایکس” پاڼه کې دا چاودنې ترهګرې، جنایتکارې او د انساني او اسلامي ارزښتونو خلاف وبللې. د افغانستان پخواني ولسمشر حامد کرزي د ایران په کرمان ښار کې نننۍ تروریستي حمله په کلکه وغندله. کرزي د ایران له خلکو سره د خواخوږۍ د څرګندولو په ترڅ کې دغه برید یو «تروریستي عمل، د انسانیت او د ټولو انساني او اسلامي اصولو او ارزښتونو خلاف جنایت» وباله.