د معمار پرس د خبر له مخې؛ اروپايي ټولنې په افغانستان کې د زده کړو د اسانتیاوو د ښه والي په موخه د ملګرو ملتونو د ماشومانو له وجهي صندوق (یونیسف) سره ۲۵ میلیونه یورو مرسته اعلان کړه. اروپايي ټولنې د چهارشنبې په ورځ (د قوس ۱۵مه) په یوه خبرپاڼه کې ویلي، چې دغه مرسته به په افغانستان کې د ۳۸۵ ښوونځیو د زیربناوو کیفیت ښه کړي. د دې اتحاديې په وينا، دغه پيسې به د ښوونځيو د بنسټيزو تاسيساتو، د ټولګيو په رغولو، د درسي موادو او د لومړنيو ښوونځيو د ښوونکو د روزنې په برخه کې ولګول شي. په همدې حال کې یونیسف اعلان کړی چې دغه پیسې به د افغانستان په دولتي لومړنیو ښوونځیو کې د ۲۰۰ زره نارینه او ښځینه زده کوونکو د ښوونې او روزنې د ښه کولو لپاره ولګول شي.