د معمار پرس د خبر له مخې؛ د پاکستان ستره محکمه د افغان مهاجرینو د اجباري اخراج د بندولو د غوښتنې پروسیجر پیل کړ. دغه غوښتنې د بشري حقونو فعالانو او یو شمېر افغان مهاجرینو کړې دي. د بشري حقونو مدافع وکيل عمر اعجاز ګيلاني وويل، دا غوښتنې د دې مسئلې د بيړنۍ پاملرنې له امله سپارل شوي چې د زرګونو افغان مهاجرينو د کړاوونو سبب شوي دي. له هغه وخت راهیسې چې پاکستان په رسمي ډول د افغان کډوالو د جبري شړلو بهیر پیل کړی، زرګونه کسان د اخراج له وېرې پټ شوي دي.