د معمار پرس د خبر له مخې؛ د تاجکستان په پلازمېنه دوشنبه کې د «افغانستان بیا فکر کول، بېلابېلې حل لارې» تر سرلیک لاندې د هرات ۱۱مه امنیتي غونډه د طالبانو ضد سیاسي او علمي شخصیتونو، د بشري حقونو فعالانو، مدني فعالانو او د سیمې د هیوادونو د استازو په شتون سره پیل شو. دغه دوه ورځنی کنفرانس نن سهار (دوشنبه د قوس ۶مه) پیل شو چې د افغانستان د روان او راتلونکي وضعیت په اړه پکې بحث کیږي. په دغه امنیتي کنفرانس کې د اسیا د بېلابېلو هېوادونو استازي د افغانستان او سیمې د امنیتي وضعیت، د یوه ټول شموله حکومت پر جوړېدو او په افغانستان کې د بشري حقونو د وضعیت په اړه خبرې کوي.