د معمار پرس د خبر له مخې؛ په افغانستان کې د ایران سفیر کاظمي قمي په ایکس کې لیکلي چې په دې خبرو کې له افغانستان سره د اقتصادي اړیکو په پراختیا کې د چابهار بندر د ځانګړي رول په اړه هم خبرې وشوې. په افغانستان کې د ایران سفیر وايي، له جي بي سینګ سره یې په لیدنه کې د سیاسي او اقتصادي مسایلو د پرمختګ او همدارنګه په افغانستان کې د ثبات د ټینګښت لپاره د سیمه ییزې تماس ډلې پر جوړولو خبرې وکړې. په کابل کې د ایران سفیر په دې اړه نور جزیات نه دي ورکړي. تر دې مخکې هم ځینو ایراني چارواکو د طالبانو تر واک لاندې د افغانستان د وضعیت د هواري لپاره د سیمه ییزې تماس ډلې پر جوړولو ټینګار کړی وو.