طالبانو اعلان کړی چې د دې ډلې د مشر هبت الله اخندزاده د حکم پر بنسټ به د نیمروز ولایت په خاشرود ولسوالۍ کې د دوه میلیارده افغانیو په ارزښت د اوبو بند جوړ کړي.
د معمار پرس د خبر له مخې؛ د “ملي تلویزیون” د راپور له مخې، د طالبانو د کلیو پراختیا او بیارغونې وزارت به د دغه بند د جوړولو د پرمختګ لپاره یو مسلکي بورډ جوړ کړي. د افغانستان د کلیو پراختیا او بیارغونې وزارت وايي، د خاشرود پر سیند به د نږدې پنځوس مترو په لوړوالي یو بند جوړ کړي، چې د څه باندې شپږ میلیونه متر مکعب اوبو د ذخیره کولو ظرفیت به ولري.