د طالبانو د بهرنيو چارو وزارت سياسي مرستيال شېرمحمد عباس ستانکزي د پنجشنبې په ورځ د عقرب په ٢٥مه په کاپيسا کې په يوه عامه غونډه کې وويل چې د افغانستان په کافي اندازه اوبه لري او دا ډله د دې وړتیا لري چې د هیواد اوبه اداره کړي. ستانکزي زیاته کړه: په راتلونکي کې به د افغانستان د اوبو ارزښت تر پټرول لوړ شي. نوموړي دغه څرګندونې په داسې حال کې کړي، چې د ايران د چاپېريال ساتنې د ادارې مشر علي سلاجقه ويلي، چې د طالبانو اقتصادي پلاوي تهران ته د خپل سفر په ترڅ کې د لومړي ځل لپاره دا منلې، چې د هلمند له سيند څخه د ايران د اوبو حق بايد خوشې شي.