د ایران د ولسمشر لومړي مرستیال د طالبانو له اقتصادي مرستیال سره په کتنه کې د افغانستان لپاره د چابهار بندر د کارولو ظرفیت لوړولو ته چمتووالی اعلان کړ.
د معمار پرس د خبر له مخې؛ د طالبانو د لومړي وزیر اقتصادي مرستیال ملا عبدالغني برادر په تهران کې د خپلو لیدنو په دوام کې د ایران د ولسمشرۍ له لومړي مرستیال “محمد مخبر” سره وکتل. د ملا برادر له مطبوعاتي دفتره په خپره شوې خبرپاڼه کې راغلي، چې په دې کتنه کې دواړو لورو د افغانستان او ایران ترمنځ د سیاسي-اقتصادي اړیکو د پیاوړتیا، د سیمې او نړۍ د سیاسي حالاتو او د صهیونیسټي رژیم د جنایتونو په اړه خبرې وکړې.