د معمار پرس د خبر له مخې؛ طالبانو نن د شنبې په ورځ (د عقرب ۱۳مه) اعلان کړ چی ملا برادر به په دغه سفر کې له ایراني چارواکو سره د دوه اړخیزو اړیکو، سوداګرۍ، ټرانزیټ، ترانسپورت، زیربناوو، ریل پټلۍ، سیمه ییز اتصال، د چابهار بندر له لارې د سوداګرۍ زیاتوالي په اړه او په چابهار بندر کې د افغانستان د ونډې پر پراختیا او د دواړو هېوادونو ترمنځ د اقتصادي همکاریو پر پراختیا خبرې وکړي. طالبانو ویلي چې ملا برادر به د ایران حکومت او د هغه هېواد خصوصي سکتور وهڅوي چې په کرنه، کانونو، ټرانسپورټ او صنعت کې پانګونه وکړي.