د معمار پرس د خبر له مخې؛ د طالبانو د بهرنیو چارو وزارت د ویاند مرستیال حافظ ضیا احمد نن چهارشنبه (د عقرب ۳مه) په ټویټر کې یو بیانیه خپور کړی او لیکلي یې دي چې دا بهیر په مالیزیا کې د طالبانو په سفارت کې د یو لړ مراسمو په ترڅ کې پیل شوی دی. د دې اعلامیې له مخې په مالیزیا کې د طالبانو د سفارت مشر نقیب الله احمدي په دغه هېواد کې مېشتو افغانانو ته ویلي چې دغه سفارت به په شفافه او چټکه توګه قونسلګري خدمات وړاندې کړي.