تحلیل سیاسی 24 میزان 1402 - 4 ماه پیش زمان تقریبی مطالعه: 0 دقیقه
کپی شد!
0

د لویدیځ په ملاتړ په غزه کښې د صهیونیسټانو جنایتونه/ د نړۍ د مسلمانانو مسئولیت څه دی؟

د وروستیو سیمه ایزو راپورونو له مخې، د څه باندې 700 ماشومانو په ګډون لږ تر لږه 2400 فلسطینیان وژل شوي او د 2,450 څخه د زیاتو ماشومانو په ګډون 8,714 تنه ټپیان شوي دي. د استوګنې پر سیمو د اسراییلو د بریدونو شدت دومره لوړ دی چې په دقیقه توګه د مشخصو احصایو وړاندې کول ناشوني دي. اسراييل په داسې جنون کې راګير شوي چې خپله بقا يوازې د فلسطينيانو په وژلو کې ويني. دغه رژیم د غزې په تړانګه په بریدونو کښې له هر ډول منع شوې وسلو څخه کار اخیستی دی او دغه بمبارۍ په خپل ډول کښې بې ساری دی. د هغه وسلو کارول چې د ډله ایزو وژنو لامل کیږي او قربانیان یې ډیری ښځې، ماشومان او ملکي وګړي دي. په تیرو څو ورځو کښې د اسرائیلو د رژیم وحشیانه او بده بڼه په ښه توګه څرګنده شوه. دغه جعلي رژیم هیڅ قانون ته غاړه نه ده ایښې او د غزې له خلکو سره یې د خطرناکو وسلو په کارولو سره خپل ټول قوت ښودلی دی. اسراييل چې له فلسطيني جنګياليو سره د مخامخ جګړې توان نه لري، د نورو بشري ضد اقداماتو لکه د خوراکي توکو د رسولو د لارو بندول، د اوبو او برېښنا پرې کول، د روغتونونو او پناه ځايونو په نښه کول ته لاس وهې. په همدې حال کې د فلسطینیانو په وژلو کې له اسراییلو د لویدیځ هر اړخیز ملاتړ د دغو درواغجنو بشری حقوقو د ادعا کونکو اصلی څیره نوره هم روښانه کړه. امریکا او اروپا چې ځانونه دبشری حقوقو ددفاع خاوندان ګڼی له صهیونیسټ رژیم سره په پراخو پوځی او سیاسی ملاتړونو سره دغزې دخلکو په قتل عام کښې مستقیم رول لری. لويديځ له پخوا څخه تر اوسه د اسرائيلو ملاتړ کړی او هڅه کوي چې دغه رژيم په هر قيمت وساتي. دا ټکی په تیرو څو ورځو کښې د صهیونیسټانو جنایتونو په سمه توګه روښانه کړی دی چې د ماشومانو او ښځو په وژلو، د څښاک د اوبو بندول، بریښنا پرې کول او د ممنوعو وسلو په کارولو سره به د اسرائیلو په وړاندې د لویدیځ چلند بدل نه کړی. له بلې خوا، د وینا هدف د اسلامي او عربي هیوادونو دی. ټول حکومتونه په غزه کې د اسرایلو د غاصب حکومت جنایتونه څاري. نه يوازې دا چې دغه جنايتونه نه دي کم شوي، بلکې د غزې اوسېدونکي يې د ډله ييزې وژنې له ګواښ سره مخ کړي دي. اوس اسلامي امت د غزې د اوسېدونکو په وړاندې د جعلي اسرائيلي حکومت د ناوړه کړنو شاهد دی. په اوسنيو حالاتو کې د فلسطين له مظلوم خلک سره په مرستې کې هر ډول غفلت يوه نه بخښونکې ګناه ده چې د غزې د زياتو اوسېدونکو د شهادت سبب کېږي. نو د دې وخت را رسېدلی چې اسلامي امت د غزې د مظلومو خلکو غوښتنې ته ځواب ورکړي او د غزې د مظلومو خلکو د مرستې لپاره لاسونه سره یو کړي. اوس د غزې مظلوم خلک د صهیونیسټانو له بې ساري جنایتونو سره مخامخ دي چې د لویدیځو حکومتونو له ملاتړه برخمن دي. او دا موږ مسلمانان یو چې په یووالي او صداقت سره د هغوی ملاتړ ته ودریږو او د فلسطین د خلکو د ازادۍ لپاره زمینه برابره کړو. عربي دولتونه او له فلسطين سره ګاونډي هېوادونه د خوراکي او درملو د لېږد لپاره د مرستو د حل لارې د رامنځته کولو په برخه کې زيات مسووليت لري؛ او که د صهیونیسټانو په وحشتونو او ظلمونو کې د دغو خلکو لاسنیوی ونه کړو، موږ به د خدای او د اسلام د پیغمبر په وړاندې مسؤل یو. نو باید ټوله اسلامي ټولنه په دې کار کې برخه واخلي، ترڅو غاصب او ظالم صهیونیسټان پر دوی نور ظلم ونه کړي.

نویسنده
مدیر
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *