د معمار پرس د خبر له مخې؛ دوه ورځې وړاندې د پاکستان حکومت د سپین بولدک له لارې د کاغذي تذکرو لرونکو افغانانو پر ورتګ بندیز ولګاوه او اعلان یې وکړ چې یوازې د الکترونیکي تذکرو له لارې د تګ اجازه لري. د کندهار د سپين بولدک ولسوال مولوي احمد وايي، د پاکستان دې پرېکړې د ډيورنډ کرښې د دواړو غاړو اوسېدونکي له جدي ستونزو سره مخ کړي دي. د هغه په ​​وينا، اوسمهال افغانان يوازې د برېښنايي تذکرې په لرلو سره د سپين بولدک له لارې تګ راتګ کولای شي.