د طالبانو اقتصادي مرستیال ملا عبدالغني برادر د پنجشنبې په ورځ (د میزان ۲۰مه) وویل چې د غوشتپې چینل جوړول نورو ته د زیان رسولو په معنا نه دي، بلکې د افغانستان د ځان بسیاینې لپاره دي.
د معمار پرس د خبر له مخې؛ ملا برادر د طالبانو له خوا په خپره شوې خبرپاڼه کې ویلي دی چی دا چینل له ډېرو کلونو راهیسې د افغانانو د خوبونو تعبیر دی او د افغانستان د ځان بسیاینې لپاره د طالبانو د کړنو یوه بېلګه ده. هغه څرګنده کړه، چې د دې چینل د جوړېدو موخه د نورو په زیان نه دی، بلکې یوازینۍ موخه یې د سرلوړي او پر ځان بسیا افغانستان دی.