د معمار پرس د خبر له مخې؛ نن سهار (چهارشنبه د میزان ۱۹ مه) د ریښتر په کچه ۶،۳ درجې یوې زلزلې هرات او د ایران او ارمنستان ځینې سیمې ولړزولې. د امریکا د زلزلې مرکز اعلان کړی چې هرات ولایت یو ځل بیا درې زورورې زلزلې لړزولی دی. دغه مرکز ویلي، چې لومړۍ زلزله نن چهارشنبه د سهار ۵ بجې او ۱۱ دقیقې د ریښتر په کچه ۶،۳ درجې شوې ده او دوهمه یې چهارشنبه د میزان په ۱۸ مه سهار شاوخوا ۵:۲۲ دقیقې په هرات ولایت کې د ریښتر په کچه ۵ درجې وشوه.