د افغانستان د اسلامي ګوند مشر ګلبدین حکمتیار له پاکستانه د افغان کډوالو د ایستلو په غبرګون کې د اسلام اباد له حکومته وغوښتل چې پر دې پرېکړې له سره غور وکړي.
د معمار پرس د خبر له مخې؛ د افغانستان د حزب اسلامي مشر ګلبدین حکمتیار ویلي، د افغان کډوالو شړل عادلانه نه دي او د دواړو هېوادونو ترمنځ د سیاسي اختلافاتو له امله باید د خلک ژوند له خطر سره مخامخ نه شي. هغه له طالبانو هم وغوښتل چې د دې ستونزې د حل لپاره اقدام وکړي او اجازه ور نه کړي چې افغان کډوال د ناسمو سیاستونو قرباني شي. یو شمېر کارپوهان او رسنۍ په دې باور دي چې د پاکستان حکومت له طالبانو سره د حکومت د کړکېچ له امله د افغان کډوالو د ایستلو پرېکړه کړې ده.