د معمار پرس د خبر له مخې؛ د طالبانو د بهرنیو چارو وزارت نن دوشنبه (د میزان ۱۰مه) په یوه خپره کړې خبرپاڼه کې ویلي چې د انقرې د پولیسو د عمومي دفتر مخې ته د پرونۍ تروریستي برید چې په نتیجه کې یې یو شمېر ترکي پولیس ټپیان شول، په کلکه غندي. طالبانو په دې اعلامیه کې د ترکیې له خلکو، حکومت او د دغې پېښې د قربانیانو له کورنیو سره یې خپله خواخوږي څرګنده کړې او ټپیانو ته یې د لوی خدای له درباره د عاجلې روغتیا غوښتنه کړې ده.