د طالبانو د عامې روغتیا سرپرست وزیر د ایران د اسلامي جمهوریت د پارلمان له استازو سره په کتنه کې د ایران او افغانستان ترمنځ د روغتیايي او ښوونیزو همکاریو په اړه خبرې اترې وکړې.
د معمار پرس د خبر له مخې؛ په کابل کې د ایران سفارت نن (دوشنبه د سنبلې ۶مه) په خپله ایکس پاڼه کې لیکلي چې په دې کتنه کې د عامې روغتیا سرپرست وزیر قلندر عباد وویل چې د ایران اسلامي جمهوریت د افغانستان له روغتیايي برخې سره ډېرې مرستې کړې دي. د عامې روغتیا وزارت سرپرست زیاته کړه: موږ د ایران په تجربه لرونکو ښوونیزو او طبي مرکزونو کې د افغان طبي پرسونل د روزنې په برخه کې لېوالتیا لرو.