د قطر د بهرنیو چارو وزارت اعلان کړې ده چی د افغانستان په چارو کې د دغه وزارت استازي د دغه هېواد لپاره د ملګرو ملتونو د سرمنشي له ځانګړي استازي سره د افغانستان د دوه اړخیزو همکاریو په اړه وکتل او د نظر تبادله یې وکړه.
د معمار پرس د خبر له مخې؛ د قطر د بهرنیو چارو وزارت د پنجشنبې په ورځ (د اسد ۲۶) یوه خبرپاڼه خپره کړه چی د شخړو په هواري کې د دغه وزارت د ځانګړي استازي او د افغانستان لپاره د دغه هېواد د ځانګړي استازي مطلق بن ماجد القحطاني، د دغه هېواد لپاره د ملګرو ملتونو د سرمنشي ځانګړې استازې روزا اتونبایوا سره کتنه او خبری کړی دی. د قطر د بهرنیو چارو وزارت زیاته کړې، چې په دې کتنه کې د افغانستان د ستونزو د حل لپاره د قطر او ملګرو ملتونو پر همکارۍ خبرې وشوې.