معمار پرس د خبر له مخې؛ د خبریالانو د خوندیتوب نړیوالې کمېټې په یوه بیانیه کې ویلي چی طالبانو په تیرو دوو کلونو کې د خبریالانو سانسور، ځوړول او په غیر قانوني توګه نیولو ته دوام ورکړی دی او د رسنیو د جبر په شدت سره یې باوري معلوماتو ته لاسرسی محدود کړی او افغانستان یې لا انزوا کړی دی. د دغې اعلامیې په دوام کې راغلي دي چې د افغانستان د رسنیو له لارې مرستندویه بنسټونه هم کره معلوماتو ته اړتیا لري او د رسنیو فشار او سانسور د دغو موسسو د ژغورنې چارې اغیزمنې کوي. که څه هم طالبانو دا راپور رد کړی، خو په افغانستان کې د خبریالانو نیول دوام لري.