د معمار پرس د خبر له مخې؛ د افغانستان د خبريالانو مرکز اعلان وکړ چې د هلمند ولايت د اطلاعاتو او کلتور رياست د دغه ولايت رسنيو ته امر کړى چې په هيڅ صورت د ښځو غږ نه خپروي. ویل کیږي چې د طالبانو دغه حکم د اسد له میاشتې راهیسې نافذ شوی دی. له دې سره سره یو شمېر بنسټونه چې د رسنیو ملاتړي دي د طالبانو پر دغه بندیز اندېښنه ښودلې ده. د دوی په خبره، د هغو اعلانونو پر خپرېدو بندیز چې ډېری یې د ښځو غږ دی، د هلمند د محلي رسنیو د سقوط لامل به شي.