د سرپرست حکومت د لومړي وزیر اقتصادي مرستیال اعلان وکړ چې د کابل د نوي ښار پارک بیارغونه به د خصوصي سکتور له خوا د ۱،۲ میلیارد افغانیو په لګښت ترسره شي. د دې رياست د اعلاميې له مخې، د سرپرست حکومت اقتصادي مرستيال ملا عبدالغني برادر پرون د دغه پارک د بيارغونې چارې پرانېستې. د اعلامیې له مخې، د کابل د نوي ښار پارک د ۹،۹ هکتاره مساحت په لرلو سره د هېواد د خصوصي سکتور له خوا د بیارغونې چارې به په درېیو کلونو کې بشپړې شي.