د سعودي ارامکو تېلو کمپنی اعلان وکړ چې د ۲۰۲۳ کال په دویمه ربع کې د دغه شرکت خالصه ګټه شاوخوا ۳۰ میلیارده ډالره کمه شوې ده. د ارامکو د معلوماتو له مخې، د تېر کال د همدې مودې په پرتله په ګټه کې دا کمښت په تېرو میاشتو کې د تېلو د بیو د ټیټېدو له امله دی. د ۲۰۲۳ کال په لومړۍ ربع کې د ارامکو خالصه ګټه هم ۱۹.۲۵ سلنه کمه شوې ده. په هرصورت، د ارامکو اجرایوي رییس، امین ناصر ټینګار وکړ چې دا کمپنی د بازار له بدلونونو سره سمون لري. هغه زیاته کړه چې موږ د نړۍ په کچه د پیرودونکو اړتیاو ته د ځواب ویلو لپاره خپل وړتیا ثابتولو ته دوام ورکوو.