د معمار پرس د خبر له مخې؛ د قزاقستان د بهرنیو چارو مرستیال وزیر کنات تومیش ویلي، چې په افغانستان کې اقتصادي بحران او لوږه د ترهګرۍ او افراطیت د ودې لپاره بنسټ جوړوي او د سیمې امنیت له ګواښ سره مخ کوي. هغه همدارنګ ادعا وکړه: اوس دغه حالت د ترهه ګرۍ او تندلاریتوب د ودې لپاره زمینه برابره کړې ده او په نتیجه کښې یې منځنۍ اسیا او سیمه له ګواښونو سره مخ شوې ده. ویل کیږي چې د افغانستان او قزاقستان ترمنځ سوداګریزه راکړه ورکړه شاوخوا ۹۹۰ میلیونه ډالره ده او تمه ده چې دا شمېره نوره هم لوړه شي.