د قطر په دوحه کې له یو شمېر طالب چارواکو سره د امریکايي استازو له ناستې سره هم مهاله، د افغان ښځو احتجاجي خوځښت د دې غونډې له ګډونوالو غوښتي، چې د طالبانو د ملاتړ مخه ونيسي. لاريون کوونکو د اسد په ٩مه، په يوه شپږ ماده ييزه اعلاميه کې په دې غونډه کې ګډون کوونکې “خيانت کوونکۍ او سوداګر” وبللې او هغوى ته يې وويل چې نور دې له انسانيت او انساني ارزښتونو سره خيانت ونه کړي. لاريون کوونکو دا هم ويلي، چې په تېرو دوو کلونو کې يو شمېر افغان مېرمنې او نجونې د ازادۍ، امنيت او خپل ژوند په بيه د عدالت او برابرۍ لپاره واټونو ته راوتلي او د خپلو حقونو لپاره يې نارې وهلې دي