د معمار پرس د خبر له مخې؛ د سرپرست حکومت اقتصادي کمېسیون اعلان کړی چې په نږدې راتلونکي کې به د حکومت تر کنټرول لاندې ملي شرکت د سلطان ابراهیم او اغا جان بندونو د جوړولو چارې پیل کړي. د طالبانو د اقتصادي مرستیال ملا برادر مطبوعاتي دفتر په یوه خبرپاڼه کې ویلي، چې د مالیې، کانونو او پټرولیم، صنایعو او سوداګرۍ وزارتونو او د ملي پراختیا شرکت د استازو ګډې کمیټې ته اقتصادي کمیسیون چې د انرژۍ او اوبو وزارت په مشرۍ فعالیت کوي د رهبرۍ د حکم پر بنسټ د سرپل ولایت د سلطان ابراهیم بند او د اروزګان ولایت په چنارتو ولسوالۍ کې د اغا جان بندونو د جوړولو د عملیاتي پلان د جوړولو دنده سپارل شوې ده.