د قطر په پلازمېنه دوحه کې د سرپرست حکومت سیاسي دفتر د ملګرو ملتونو له امنیت شورا غوښتي چې د موقت حکومت پر چارواکو د سفر بندیز لرې کړي.
د معمار پرس د خبر له مخې په دوحه کې د سرپرست حکومت د سیاسي دفتر مشر سهیل شاهین ویلي دي چې له نړیوالې ټولنې سره اړیکي د دغې ډلې لپاره یوه اړتیا ده او ملګري ملتونه باید د سرپرست حکومت پر چارواکو د سفر بندیز لرې کړي. د دیارلس طالب چارواکو د سفري معافیت له پای ته رسېدو نږدې یو کال تېر شوی؛ خو تر اوسه د ملګرو ملتونو امنیت شورا دغه معافیت نه دی تمدید کړی.