د معمار پرس د خبر له مخې؛ په ترکیه کې د افغان کډوالو د ملاتړ ټولنه وايي چې د روان کال د جنورۍ له لومړۍ نیټې څخه د جون تر ۲۲ نیټې پورې ۱۵۰۲۰ افغان کډوال له ترکیې څخه ایستل شوي دي. د افغان کډوالو د ملاتړ ټولنې مشر علي حکمت رسنیو ته ویلي، چې دا شمېره په روان کال کې تر ۵۵ سلنې ډېر افغان کډوال په ترکیه کې بندیان شوي دي. حکمت زياته کړه چې د ترکيې د کورنيو چارو وزارت د شمېرو له مخې، د دغه هېواد پوليسو له جنورۍ څخه د جون تر نيمايي پورې د بېلابېلو هېوادونو ٨٨ زره کډوال نيولي، چې له دې ډلې ٢٧ زره يې افغانان دي.