د حکومت د لوړو زده کړو سرپرست وزیر ندا محمد ندیم په کابل کې د پاکستان له سفیر سره په کتنه کې د افغانستان په نړیوال پوهنتون کې د تدریس لپاره د پاکستاني استادانو د استولو غوښتنه وکړه. د طالبانو د لوړو زده کړو وزارت له خوا په خپره شوې خبرپاڼه کې راغلي، چې په دې کتنه کې دواړو لورو د دواړو هېوادونو ترمنځ د علمي همکاریو د پراخولو په اړه خبرې وکړې. د طالبانو د لوړو زده کړو وزارت سرپرست د پاکستان له سفیر څخه وغوښتل چې په پاکستان کې د افغان محصلینو د ویزو ستونزه حل کړي او پاکستاني استادان په ځانګړي ډول افغان نړیوال پوهنتون کې د تدریس لپاره واستوي.