د افغانستان د حکومت د سرپرست اوسپنې پټلۍ ادارې له ایراني چارواکو سره د هرات – خواف د اورګاډي پټلۍ د پراختیا لپاره یو تفاهم لیک لاسلیک کړ.
د معمار پرس د خبر له مخې؛ دغه تفاهم ليک نن (چهارشنبه د سرطان ٢١مه) په هرات ولايت کې د ايراني پلاوي په ملتيا د سرپرست حکومت د اورګاډي پټلۍ مشر بخت الرحمن شرافت لاسليک کړ. په هرات کې د طالبانو د والي دفتر وايي، د دې هوکړې له مخې به ایران د هرات – خواف اورګاډي کرښې د پراختیا مسوولیت پر غاړه ولري.