د افغانستان د سرپرست حکومت ویاند د پاکستان د ځانګړي استازي د څرګندونو په غبرګون کې اعلان وکړ چې له پاکستان سره د ګډو پولو د تامین په خاطر به یوازې د وزیرستان کډوال د افغانستان نورو سیمو ته ولېږدول شي.
د معمار پرس د خبر له مخې؛ د طالبانو د سرپرست حکومت ویاند ذبیح الله مجاهد اعلان وکړ چې موږ به یوازې له وزیرستانه کډوال د افغانستان نورو سیمو ته انتقال کړو تر څو له پاکستان سره ګډې پولې تضمین شي. دا څرګندونې د افغانستان په چارو کې د پاکستان د ځانګړي استازي اصف علي دراني د هغو څرګندونو په غبرګون کې شوې، چې ویلي یې وو، د افغانستان نورو سیمو ته د پاکستان د تحریک طالبان پاکستان (ټي ټي پي) د غړو د لېږد هرکلی کوي.