د طالبانو د کانونو او پټرولیم وزارت اعلان وکړ چې د جوزجان له مرکز شبرغان ښار څخه د بلخ مرکز مزارشریف ښار ته د ګازو د لېږد نوې پایپ لاین د طالب چارواکو په حضور کې پرانیستل شو.
د معمار پرس د خبر له مخې؛ طالبانو د کانونو او پټرولیم وزارت د یوې اعلامیې په خپرولو سره دا خبره کړې ده چی دغه نل لیکه پرون (شنبه، د سرطان ۱۷مه) په شبرغان ښار کې د یوې غونډې په ترڅ کې د پټرولیم او کانونو وزارت سرپرست شهاب الدین دلاور او یو شمېر نورو طالب چارواکو په حضور کې پرانیستل شوه. بلخوا د طالبانو د کانونو او پټرولیم وزارت اعلان کړی چې په نږدې راتلونکي کې به له دغې نل لیکې څخه ګاز د استوګنې سیمو ته وویشل شي.