د طالبانو د سوداګرۍ او صنایعو وزارت سرپرست په بهر کې مېشت افغان پانګوال د طالبانو دښمنان بللي او ویلي یې دي چې یوه ورځ به راشي چې دغه ډله به دوی ته سزا ورکړي.
په کابل کې د اوسپنې د توغولو د یوه شرکت د پرانیستې په مراسمو کې د طالبانو د وخت د صنایعو او سوداګرۍ وزارت سرپرست نورالدین عزیزي په خپلو خبرو کې وویل: زه باور نه لرم چې د افغانستان دننه څوک دې له کونډو، یتیمانو، اسیرانو او بې وزلو څخه سرمایه راټوله کړي او بهر ته دې پانګونه وکړي. دا خلک زموږ دښمنان دي او باید حساب ورسره وشي.