د سرپرست حکومت د اوبو او انرژۍ وزارت اعلان کړی چې د پنجشیر د زوم او ناوې بند څخه د کابل ښاریانو ته د اوبو د انتقال د پلان د نهايي کولو او تطبیق په موخه د همغږۍ غونډه جوړه شوې ده.
د معمار پرس د خبري آژانس د خبر له مخې، دغه غونډه نن چهارشنبه د جوزا په ۱۰مه د اوبو او انرژۍ وزارت معین مجیب الرحمن عمر اخندزاده په مشرۍ او د اوبو او انرژۍ، د کلیو د بیارغونې او پراختیا، کرنې، مالدارۍ او اوبو لګولو وزارتونو د استازو په حضور کې جوړه شوه.