د افغانستان پخواني ولسمشر د پاکستان په شمالي وزیرستان کې د نجونو په دوو ښوونځیو کې وروستۍ چاودنې د علم او پوهې د دښمنانو کار بللی دی.
د معمار پرس د خبر له مخې، د افغانستان پخواني ولسمشر حامد کرزي نن په یوه ټویټ کې دغه عمل په کلکه غندلی او هغه یې یو غیر انساني عمل بللی دی. همدارنګه ښاغلي کرزي ټینګار وکړ، چې دا چاودنې د پرمختګ د دښمنانو له خوا ترسره کیږي، ترڅو د افغانستان ماشومان په ځانګړې توګه نجونې له علم او کمال څخه برخمنې نه شي او ټولنه یې د تل لپاره محتاجه پاتې شي.