په کابل کې د چین سفیر د افغانستان د سرپرست حکومت د بهرنیو چارو له وزیر سره په کتنه کې اعلان وکړ چې د دواړو هېوادونو ترمنځ به مستقیمې الوتنې پیل شي.
د معمار پرس د خبر له مخې؛ په کابل کې د چین سفیر وانګ یو د طالبانو د بهرنیو چارو له وزیر امیر خان متقي سره په کتنه کې اعلان وکړ چې نن به د دواړو هېوادونو ترمنځ مستقیمې الوتنې پیل شي او دغه راز یې ټینګار وکړ چې بیجینګ به له کابل سره عادي اړیکې وساتي او د اړیکو د پیاوړتیا غوښتنه یې کړې ده.