د بشري حقونو د څار د اسیا مرستیالې ټینګار وکړ چې ملګري ملتونه دې د افغانستان له خلکو سره د مرستو تر څنګ په کابل کې د سرپرست حکومت پر چارواکو هم فشار راوړي.
د معمار پرس د خبر له مخې؛ د بشري حقونو د څار د اسیا مرستیالې “پټریشیا ګاسمن” په یوه بیانیه کې وویل ملګري ملتونه په افغانستان کې اړمنو ته د بشري مرستو د رسولو ترڅنګ، د کابل پر حکومت د فشار راوړلو مسوولیت لري چې په دغه هېواد کې له بشري حقونو څخه سرغړونې پای ته ورسوي.